དབྱིན་ཟླ་༢ པའི་ཚེས་༩། མི་མང་ཤོས་ཅིག་གིས་རང་ ཆུ་འདི་ ཆུ་ཀ་ལི་ནང་ལས་ ཕྲང་སྟེ་འཐུངམ་ཨིན་མས། དེ་འབད་འཐུང་ནི་དེ་ གཙང་སྦྲང་དང་ལྡནམ་མེནཔ་ལས་ འཕྲལ་འཕྲལ་འབད་རང་ ཆུའི་བརྐ་ ཧིང་སངས་སངས་འདུག་ག་མིན་འདུག་ བལྟ་ནི་འདི་ཁག་ཆེཝ་ཨིན་མས། ཆུ་མཛོད་ནང་ལུ་ ས་དང་དམ་ཚུ་ཡོདཔ་མ་ཚད་ སྦུབ་དང་ སྦལ་ཅུང་ཚུ་ཡང་ སྡོད་དོ་ཡོདཔ་ཨིན་མས། མི་མང་ཤོས་གི་རང་ ཆུ་མཛོད་འདི་ ཕྱད་བརྡར་བརྐྱབ་ནི་འདི་ཕར་རང་བཞག་ མིག་ཏོ་གིས་ཡང་མ་བལྟ་བར་ ཆུ་མཛོད་ནང་ལས་ ཆུ་འཐུང་དོ་ཡོདཔ་ཨིན་མས། ཆུ་མཛོད་ཕྱག་བརྡར་བརྐྱབ་ནིའི་ ལཱ་གི་ཁག་འབག་འདི་ བསོད་ནམས་རྡོ་རྗེ་གིས་ འགོ་འདྲེན་འཐབ་དོ་ཡོདཔ་ཨིན་མས། ད་རིས་ཚུན་ཚོད་ ཁོང་ཚུ་གིས་ ཆུ་མཛོད་༥ ལྷགཔ་ཅིག་ ཕྱག་བརྡར་བརྐྱབ་ཡོདཔ་ཨིན་མས། ཁོང་ཚུ་གིས་ ཧེ་མ་རང་ ཆུ་མཛོད་འདི་ སྟོངམ་སྟོན་ཞིནམ་ལས་ ནང་ན་ཡོད་མི་ འདམ་ཚུ་ ཕྱག་བརྡར་བརྐྱབ་དོ་ཡོདཔ་ཨིན་མས། དེ་ལས་མཇུག་རང་ ཁོང་གིས་ ཆུ་མཛོད་ནང་ལུ་ ལྷག་མ་ལུས་ཡོད་མི་ ནད་སྦུབ་ཚུ་ བསད་ནི་དོན་ལས་ སྨན་བཏོར་དོ་ཡོདཔ་ཨིན་མས། ཆུ་མཛོད་ཚུ་ འཕྲལ་འཕྲལ་རང་ ཕྱག་བརྡར་བརྐྱབ་དགོ་དོ་ཡོདཔ་ཨིན་མས། གསོ་བའི་ལྷན་ཁག་གིས་ མི་དམངས་ཡོངས་དང་ ཁྱིམ་གྱི་སྦྱིན་བདག་ཚུ་ལུ་ ཁོང་རའི་ ཆུ་མཛོད་འདི་ མཐའ་ཟུར་གྱི་གཡུས་ཚུ་ནང་ འབད་བ་ཅིན་ ཉུང་མཐའ་ ཟླཝ་གསུམ་གྱི་ནང་ལུ་ ཚར་རེ་ཕྱག་བརྡར་བརྐྱབ་དགོཔ་ཨིནམ་ད་ ཁྲོམ་ཚོགས་ནང་ཨིན་པ་ཅིན་ ཟླཝ་དྲུག་གི་ ནང་འཁོད་ལུ་ ཚར་རེ་ ཕྱག་བརྡར་བརྐྱབ་དགོཔ་སྦེ་ སྙན་ཞུ་འབདཝ་ཨིན་མས། ཆུ་མཛོད་ཕྱག་བརྡར་གྱི་ ལཱ་འབད་མི་ཚུ་ ལཱ་གཡོག་མེད་པའི་ དཀའ་ངལ་གསལ་ཡོདཔ་མ་ཚད་ གཞན་མི་ཚུ་ལུ་ཡང་ གཡོག་གི་ གོ་སྐབས་བཟོ་ཡོདཔ་ཨིན་མས།

གདོང་ཤོག | ལྟག་ལུ |